Lítilmannlegt

Þetta er til háborinnar skammar, sama hver á í hlut.  Menn geta verið ósáttir við ,,útrásarvíkinga", sem er mjög skiljanlegt, en siðferðisgirðingar verða þó að halda.  Svona gera menn ekki og þegar ég sá viðtal við framleiðanda myndarinnar í Kastljósi var mér misboðið og ákvað að sjá ekki þessa mynd.

Menn geta verið reiðir og eiga að vera það en það réttlætir ekki að bregðast við með lygum, svikum og sumum tilfellum ofbeldi.  Nú er ofbeldismanneskja komin í ríkisstjórn, sem stóð í Alþingi þegar æstur múgur gerði atlögu að löggjafarvaldi Íslendinga, hringdi út til ofbeldiseggjana til að veita upplýsingar um hvar lögreglumenn væru staddir í húsinu.  Jafnframt var hún staðin að því að æsa til ofbeldisverka og ráðast á valdstjórnina.  Skyldi hún bera annan hug til valdstjórnarinnar núna þegar hún er orðin ráðherra.  Bloggari undrast fjölmiðla að spyrja hana ekki að því.

Ósáttur við höfund Guð blessi Ísland

Athugasemdir

[Gísli Foster Hjartarson, 2.10.2009 kl. 08:50]

Já Gunnar hef heyrt þetta frá lögreglumönnum með Álfheiði og því er hún ekki spurð spjörunum úr - það hlýtur að vera partur af tiltektinni í samfélaginu.

[Andspilling, 2.10.2009 kl. 09:39]

Voff, voff.

Þú veist augljóslega ekki mikið um hugtakið siðferði sem þú þó skreytir þig með hér í þessar varðuhundafærslu.

Veit stundum ekki hvort er verra fyrir þessa þjóð, þjóðníðingarnir eða pakkið sem ver þá fram í rauðan dauðann.

[Villi Asgeirsson, 2.10.2009 kl. 11:01]

Göbbels var á fylleríi og gaf mér mynd frá einhverjum stað sem heitir Ásvits. Ég ætla samt ekkert að segja um það eða sýna myndina því ég lofaði honum að þegja.

Gaukur í næsta húsi nauðgaði 13 ára stelpu. Mér var gefin mynd af því. Lofaði samt að segja ekkert, svo ekki mun ég vitna fyrir hana.

Unglingur á mótþróaskeiði stal stjörnunni af Benzanum hinumegin við götuna. Hann sagði mér frá því en ég lofaði að segja ekkert.

[Páll Jónsson, 2.10.2009 kl. 11:57]

Villi: Svo að Jón Ásgeir ljóstraði einhverju upp sem réttlætir það að fara á bak við hann? Nei fyrirgefðu, þú hefur ekki hugmynd um það og ert bara að þvaðra.

Hins vegar skil ég ekki alveg þetta drama hjá honum... hvern andskotann var hann að gera sem ekki má sjálst? Er þetta bara svona svakalegt prinsippmál hjá honum?

[Villi Asgeirsson, 2.10.2009 kl. 12:15]

Ég hef ekki hugmynd um hvað hann sagði og hvað þeim fór á milli. Hef ekki séð myndina og get ekki tjáð mig sérstaklega um þessi viðtöl. Hitt er annað, ef maður hefur vitneskju um glæp sem framinn hefur verið, á maður þá að þegja af því maður lofaði því?

Annars hef ég litla samúð með fólkinu sem kom Íslandi á hausinn. Sérstaklega því sem enn stundar sama kennitöluflakk og fyrir hrun.

[Baldur Hermannsson, 2.10.2009 kl. 12:20]

Gunnar, það eru óneitanlega lýti á þessari mynd að höfundur hennar hafi legið á hleri. Látum nú vera ef hann hefði komist að einhverjum stórfelldum glæpum með þessum hætti, en manni skildist að svo væri alls ekki - bara neyðarlegt fyrir hrappinn Jón Ásgeir. Jón á að vísu ekkert gott skilið en þessi vinnubrögð eru ógeðfelld.

[Björn Jónsson, 2.10.2009 kl. 15:35]

Sammála Baldri.

Í mínum huga mun ég horfa á þessa mynd mjög gagnrýnum augum og eftirleiðis það sem kemur frá þessum höfundi. Ef maður gerir samning við einhvern, hvort sem hann er skriflegur eða munnlegur, þá einfaldlega stendur maður við samninginn, sama hver á í hlut.

Ég sá Kastljósþáttinn, og fannst mér höfundur ekki mjög traustverðugur eftir þáttinn.

[Finnur Bárðarson, 2.10.2009 kl. 18:32]

Víða leynast vinir stórglæpona. Einhver kvikmyndagerðarmaður orðinn sökudólgurinn.

[Baldur Hermannsson, 2.10.2009 kl. 18:48]

Finnur, það er merkilegt að sjá hvernig siðferðishömlurnar falla á svona tímum og menn sem ella hefðu gætt virðingar sinnar sýna skyndilega af sér ófyrirleitni og skepnuskap.

[Björn Jónsson, 2.10.2009 kl. 19:51]

Finnur!!

Heiðarleiki virkar ekki bara í eina átt. Hvað svosem Jón Ásgeir eða hanns ,, litlu ritsóðar " gera, gefur það ekki rétt til að haga sér eins, eða hvað ?

Þú eifaldlega stendur við smning, hvort sem hann er munnlegur eða skriflegur, annað er óheiðarleiki.

Annars er með ólíkindum hversu margir hafa og eru að nota sömu aðferð og      General Göbbel er talinn einn af frumkvöðlum að, þe að nota hreyfimyndavél til áróðurs, klippa til og ná sínu fram með því móti, þurfum reyndar ekki að fara langt til að sjá dæmi um slíkt, sum(ar)ir bloggarar eru ekki eftirbátar liði Göbbels í þessum efnum, jafnvel úthlutað tíma í morgunútvarpi RÚV þeim (hlutlausa) miðli.

[Helgi Jóhann Hauksson, 2.10.2009 kl. 22:04]

Þú ert nú beinlínis lýginn - er það síðferðilega rétt þegar þú átt í hlut? - Eða hvernig ætlar þú að fóðra þá staðhæfingu að Álfheiður hafi „hringdi út til ofbeldiseggjana til að veita upplýsingar um hvar lögreglumenn væru staddir í húsinu“ - og hvaða tilgangi hefði það átt að þjóna að upplýsa hvar í Alþingishúsinu lögregluþjónar væru?

- Ég var þarna til að skrásetja atburðarásina með ljósmyndum og þetta er einfaldlega fráleit staðhæfing þó ekki sé nema fyrir það að slíkar upplýsingar hefðu enga praktísa merkingu inní atburðarrásina.

[Helgi Jóhann Hauksson, 2.10.2009 kl. 22:20]

En er höfundur myndarinn ekki einmitt að standa við samngning sinn? - Hann lofaði JÁJ að JÁJ fengi að sjá það sem myndi birist áður en það birtist - puntur!

JÁJ á enn nóg undir sér til að geta skotið því fyrir úrskurð dómara hvort samningurinn sé uppfylltur eða ekki. - Helgi Felixisson telur svo vera.

Það er hisnvegar verra með allan almenning aðhann hefur ekki efni á að skjóta málum til dómstóla.

[Andspilling, 2.10.2009 kl. 23:10]

Akkúrat Helgi, þessi viðbjóðslega ásökun og lygi síðuhöfundar er með eindæmum og dæmir sig sjálf.

Sjálf var ég stödd þarna við lögreglustöðina þegar andmælin við ólögmætri handtöku frjálsborins Íslendings var mótmælt og sagt get ég ykkur satt um hlut Álfheiðar þar, en þar var Álfheiður fyrst og fremst að annast þá sem höfðu fengið piparúða í andlit og hringja eftir sjúkrabílum. Hún var vissulega reið eins og allir siðferðislega þenkjandi Íslendingar yfir yfirgangi óeirðarlögreglunnar en hún var nú fyrst og fremst í því að reyna að stíga á milli víglínu fullvopnaðra vígamanna Björns Bjarna og mótmælenda til að reyna að koma í veg fyrir blóðug átök, svo þessar ásakanir illra innræta öfgafullra hægridindla eiga ekki við neitt að styðjast nema upphrópnir og skáldskap sprottnum frá spunadeild Valhallarmafíunnar.

[Sólveig Þóra Jónsdóttir, 3.10.2009 kl. 03:04]

Varðandi myndbandið, setjum nafnið Davíð Oddsson í stað Jóns Ágeirs Jóhannsonar og hefði Davíð haft uppi mótbárur líkt og Jón Ásgeir, myndu menn hafa sömu skoðun á hlutunum (ég held ekki) eða má bara leggja Davíð í einelti og engan annan. Svo er ekki málið að maður sé ósáttur við útrásarglæpamenn það er of vægt til orða tekið. Þessir menn eiga að vera í fangelsi. Punktur.

[Baldur Hermannsson, 3.10.2009 kl. 03:18]

Hvað Álfheiði varðar og hennar undarlegu hegðun, þá eru aðgengilegar ansi trúverðugar frásagnir sem benda til þess að hún hafi gerst einskonar moldvarpa inni í þinghúsinu og hringt út til árásaarliðsins fyrirmæli eða upplýsingar. Það er fyrir neðan allar hellur að gera þessa manneskju að ráðherra.

[Andspilling, 3.10.2009 kl. 15:48]

Samsæriskenninga-Baldur Hermannsson. Álfheiður tengd útrásarvíkingum hahahaha, sumt hægra öfga fólk er bara snilld.

[Baldur Hermannsson, 3.10.2009 kl. 18:13]

Hæ Andspilling, hér er sú heimild sem ég vitna til. Þetta er ekki samsæriskenning. Álfheiður er samkvæmt þessu hryðjuverkakona og ætti að sitja á bak við lás og slá í stað þess að verma ráðherrastóla.

http://www.amx.is/fuglahvisl/10108/

[Andspilling, 3.10.2009 kl. 19:49]

AMX er mesti samskæriskenningarvefur hægri öfga rugludalla á landinu. Ef þú trúir lygunum þaðan þá ertu verr sýktur en gerist og gengur með hægri dindla.

[Baldur Hermannsson, 3.10.2009 kl. 19:55]

Andspilling, takk fyrir að upplýsa mig um þetta.

[Andspilling, 3.10.2009 kl. 19:58]

Verði þér að góðu.

[Páll Jónsson, 4.10.2009 kl. 00:06]

Manni líður svolítið eins og maður þurfi að þvo sér eftir að hafa lesið AMX en er ekki um að gera að lesa bara smuguna sem mótvægi?

Hins vegar réttlætir síðan tilvist sína klárlega í mínum augum með skemmtilegum gömlum tilvitnunum í fólk, sem sýna oft botnlausa hræsni núverandi skoðana þeirra...

[Baldur Hermannsson, 4.10.2009 kl. 00:54]

Páll, ertu fullur?

[Páll Jónsson, 4.10.2009 kl. 01:13]

Merkilegt nokk, nei (og á laugardagskvöldi!).

Ertu að segja að þú hafir ekki gaman af þessum tilvitnunum hjá amx? Ég skal fallast á að þetta er nánast eina ástæðan fyrir því að skoða síðuna, en ég bakka ekki með það að þær séu skemmtilegar.

[Baldur Hermannsson, 4.10.2009 kl. 01:28]

Æ Páll, það var bara þessi stórfurðulega athugasemd þín um að þér liði eins og þú þyrftir að þvo sér eftir að hafa skoðað amx. Ég hélt eitt andartak að þú værir með tremma því ekki ertu geðveikislegur ásýndum.....gleymum þessu.

[Páll Jónsson, 4.10.2009 kl. 10:27]

Ég var vísa til þeirrar augljósu staðreyndar að blaðið er biased as all hell, hafði ekki áttað mig á því að sú skoðun væri umdeild.