Á ferð og flugi

Það er mikið um ferðalög framundan næstu vikurnar.  Í fyrramálið förum við félagarnir, undirritaður, Leslie, Nishantha og Kumara í úttektarferð um suður Sri Lanka.  Við erum að taka út starfsemi löndunarstöðva sem Íslendingar hafa byggt til uppbyggingar fiskimannasamfélaga hér á landi.  Við munum gista í bæ sem heitir Matara næstu nótt og komum til baka til Colombo á föstudagskvöld.

En bloggari mun stoppa stutt við og aðfararnótt laugardagsins flýgur hann í austur til Bankok í Tælandi.  Þaðan verður flogið í vestur til Uganda í Afríku.  Þetta verður langt og strangt ferðalag og lending á Entebbe um sólarhring eftir brottför hér.

Eftir tvær vikur í Uganda verður haldið til Sri Lanka aftur og sama dag og eiginkonan lendir hér í borg frá London, hún er að koma í heimsókn hingað, lendir bloggari úr flugi frá Uganda via Tæland. 

 Á myndinni hér að ofan er bloggari að drekka úr kókóshnetu í einkennisklæðnaði við úttekt á löndunarstað.  Sú neðri sýnir hóp manna draga inn landnót.

Athugasemdir

[Bylgja Hafþórsdóttir, 23.4.2008 kl. 20:58]

Blessaður Gunnar. Long time no see. Rakst á bloggið þitt inni á bloggsíðu Kaffisins. Þú hefur ekkert breyst. He he.

Kveðja Bylgja fyrrum samstarfsfélagi þú veist hvar. Áfram Sigló.

[Gunnar Þórðarson, 25.4.2008 kl. 13:05]

Sæl Bylgja.  Gaman að heyra frá þér.  Þetta hét nú Pólar er það ekki.  Ef ég man rétt varstu að vinna á skrifstofunni og Ómar var framkvæmdastjóri.  Bestu kveðjur á Sigló.