Frelsi einstaklingsins

Það er ömurlegt að sjá hvernig þrengt er að einstaklingsfrelsi vegna hryðjuverkaógnar.  Bloggari minnist þess þegar hann þvældist út á götu frá vinnustað sínum í Kampala og byrjaði að mynda boda-boda (smellitíkur sem notaðar eru sem leigubílar).  Tók ekki eftir því að handan götunnar var Bandaríska sendiráðið með aðstöðu, og nota bene; skilti út um allt að bannað væri að taka myndir.  Þetta kostaði fjóra tíma í varðhaldi undir eftirliti vopnaðs öryggisvarðar.

En það var í Afríku en að þetta geti gerst í verslunarmiðstöð í Skotlandi er önnur saga.  Bloggara skilst að það séu miklu meiri líkur á að vinna fyrsta vinning í Víkingalottói en að verða fyrir hryðjuverkaárás. 

Mátti ekki taka myndir af dóttur sinni

Athugasemdir

[Kristján Sigurður Kristjánsson, 11.10.2011 kl. 12:19]

Vær ekki rétt að loka svona hættulegum stöðum?

[Hans Haraldsson (IP-tala skráð) 11.10.2011 kl. 19:13]

Ég ætla ekki að gera lítið úr hættunni sem fylgir því að fara offari í vörnum gegn hryðjuverkum en er ekki hugsanlegt að þær miklu varúðarráðstafanir sem eru gerðar hafi eitthvað að gera með að það eru mjög litlar líkur á að verða fyrir hryðjuverkaárás?

[Finnur Þorgeirsson, 12.10.2011 kl. 07:15]

Að taka myndir í verslunarmiðstöðvum er einnig bannað á íslandi. Það hefur verið pikkað í mig af öryggisverði í Kringlunni þegar ég hef verið að taka myndir af dóttur minni! Dóttir mín var að horfa íþróttaálfinn skemmta börnum og ég tók myndir af dóttur minni á meðan atriðið var í gangi. Strax og atriðið var búið var mér sagt að hætta að taka myndir, en það virtist vera í lagi á meðan atriðið var í gangi.