Á vit ævintýranna

Í fyrramálið leggjum við hjónin á vit ævintýranna í ferðalag um Afríku og heimsókn í stærsta þjóðgarð Úganda, Murchison Falls.  Við munum gista þar í lúxustjaldi á bökkum Nílar og njóta lystisemda Afríku. 

Við notumst við nýjustu tækni við að rata en allir punktar eru í GPS tækinu og bara að treysta á tæknina.  Við munum ganga upp með fossunum og fara síðan í gönguferð um þjóðgarðinn í fylgd með einka-leiðsögumanni, sem eðli málsins samkvæmt þarf að bera byssu um öxl, enda von á alls kyns villidýrum á þessum slóðum.  Sigling á Níl og síðan að njóta veitinga og aðbúnaðar á heimsmælikvarða.

Stemmingin verður svona svolítið Agata Christy stemming og eins gott að ekki verði framið morð á staðnum.  Það gæti tafið okkur að láta Hercule Poroite eyða nokkrum dögum í að finna út hver morðinginn er.

En á vit ævintýranna.  Kominn tími til að hrista upp í tilverunni og hafa gaman af lífinu.

Athugasemdir

[Ívar Pálsson, 20.3.2009 kl. 00:12]

Góða ferð, Gunni & Stína!   Frá Ívari og Gerði.

Hakuna Matata! No worries for the rest of your days!

Sbr. þessi Youtube klippa með Tímon og Púmba

[Valdimar Birgisson, 20.3.2009 kl. 13:41]

Góða ferð góðu hjón. Svona á að lifa